2006 腹 肌 橫 掃 香 江

 

陶 傑 清 涼 茶

200 六 腹 肌 橫 掃 香 江

2 006 年 若 果 要 選 最 佳 港 產 片 ， 就 梗 係 大 師 譚 家 明 套 《 父 子 》 莫 屬 。
雖 然 兩 仔 爺 題 材 由 意 大 利 陳 年 舊 片 《 單 車 竊 賊 》 做 到 今 日 ， 好 難 有 乜 新 意 ， 但 譚 伯 套 《 父 子 》 全 靠 男 主 角 城 城 救 番 套 戲 ， 仲 分 分 鐘 同 港 產 片 救 埋 市 添 。

《 父 子 》 劇 照

香 港 歌 演 雙 棲 動 物 陷 入 青 黃 不 接 斷 層 。 上 一 輩 睇 睇 去 得 個 劉 華 ， 拍 到 華 哥 有 少 少 殘 樣 ， 而 下 一 代 余 文 樂 、 陳 小 春 同 埋 少 年 曾 志 偉 中 基 ， 若 然 要 獨 力 起 票 房 ， 似 乎 仲 有 少 少 距 離 。

好 在 06 年 送 尾 ， 城 城 憑 六 腹 肌 抽 擊 出 山 ， 成 41 歲 人 ， 睇 到 妹 個 個 嘩 一 聲 。 最 難 得 就 係 ， 城 城 為 藝 術 而 犧 牲 ， 在 片 中 破 天 荒 做 埋 人 老 豆 ， 仲 以 馬 來 西 亞 為 背 景 ， 一 洗 過 往 淨 係 靠 靚 聲 擰 股 歌 舞 形 象 ， 探 求 精 神 內 心 世 界 ， 幾 場 同 楊 采 妮 床 戲 ， 雖 然 點 到 即 止 ， 但 肉 浪 翻 騰 ， 睇 到 全 港 女 性 ， 由 八 歲 小 妹 妹 到 八 十 歲 阿 婆 連 聲 尖 叫 。
事 實 證 明 一 個 男 演 員 若 然 夠 勤 力 、 有 實 力 ， 始 終 係 唔 受 年 齡 限 制 。 連 荷 里 活 靚 佬 湯 就 快 埋 年 五 張 ， 都 仲 紮 紮 跳 有 得 撈 ， 城 城 舞 林 高 手 出 身 ， 精 力 過 人 ， 有 乜 理 由 冇 得 翻 閹 多 次 ？
明 星 有 潛 質 都 要 大 師 操 刀 。 好 似 《 父 子 》 咁 ， 請 番 新 浪 潮 大 宗 師 回 巢 機 ， 薑 始 終 係 老 辣 ， 譚 大 師 拍 戲 完 完 整 整 畀 番 個 故 事 畀 你 ， 背 景 設 在 大 馬 ， 加 一 陣 懷 舊 feel ， 好 似 梁 家 輝 露 pat 套 越 南 版 《 情 人 》 咁 ， 浪 漫 加 懷 舊 ， 情 慾 指 數 爆 晒 燈 。
城 城 交 足 戲 、 交 足 身 材 ， 亦 交 足 專 業 精 神 ， 反 為 楊 采 妮 就 唔 係 咁 襯 ， 同 超 凡 脫 俗 城 城 相 比 ， 采 妮 氣 質 望 落 點 都 爭 幾 皮 ， 加 埋 冇 城 城 keep 得 咁 靚 ， 就 算 攝 影 美 工 加 料 加 到 十 足 ， 硬 係 形 住 采 妮 分 分 鐘 做 到 城 城 阿 媽 。
所 以 港 產 片 卡 士 方 面 ， 始 終 都 同 荷 里 活 爭 咁 一 浸 ， 環 顧 香 港 女 星 又 係 ， 論 氣 質 采 妮 曾 浸 淫 在 蕉 風 椰 雨 同 沙 嗲 味 之 間 ， 經 已 索 盡 南 洋 風 情 ， 但 係 論 班 次 ， 個 個 買 飛 入 ， 無 論 男 女 始 終 都 係 睇 城 城 一 個 。
港 產 片 衰 咁 耐 ， 好 難 得 06 年 埋 單 有 一 套 硬 淨 大 片 ， 文 有 《 父 子 》 ， 武 有 《 墨 攻 》 ， 咪 俾 個 大 陸 市 場 閹 割 得 奄 奄 一 息 ， 令 人 對 港 產 片 前 景 多 兩 分 期 望 。 至 於 城 城 點 樣 繼 續 keep 番 六 腹 肌 ， 保 持 彈 性 ， 咁 就 令 人 有 少 少 緊 張 。 聖 誕 檔 期 一 個 新 占 士 邦 、 年 尾 一 個 港 版 首 席 超 級 索 男 ， 中 外 齊 晒 肌 肉 ， 06 年 尾 真 係 全 港 基 佬 婦 女 大 福 音 咯 。

黃金大婚貞德手冊

陶 傑 清 涼 茶

誠 哥 世 紀 大 婚 ， 不 但 香 港 開 埠 史 上 最 豪 ， 千 萬 巨 鑽 、 蜜 月 行 程 、 私 人 飛 機 、 靚 景 餐 廳 、 超 豪 蜜 月 套 房 造 人 ， 威 過 當 年 戴 安 娜 出 閣 ， 咁 蜜 月 ， 用 黃 金 打 造 ， 將 來 出 世 BB 一 開 眼 就 會 射 出 兩 道 金 光 ， 個 頭 會 有 一 個 耶 穌 式 銀 色 光 環 ， 搞 到 香 港 市 民 ， 「 岳 」 高 頭 觀 賞 呢 段 天 國 婚 禮 ， 會 好 似 睇 住 個 太 陽 ， 又 唔 戴 黑 超 ， 好 易 會 即 時 變 盲 。

灰 姑 娘 怎 樣 變 公 主 ？ 身 為 新 娘 子 淇 淇 ， 向 萬 千 港 女 聖 女 貞 德 以 身 作 則 ， 做 清 新 偶 像 。 第 一 ， 就 係 佢 出 道 咁 耐 ， 潔 身 自 愛 ， CV 乾 淨 、 血 統 純 正 ， 全 無 出 埠 登 台 、 富 豪 照 顧 社 交 往 績 ， 品 格 良 好 。

第 二 ， 就 係 終 生 學 習 ， 不 斷 進 修 。 淇 淇 雖 然 做 名 人 ， 但 從 不 自 滿 ， 追 求 自 我 增 值 ， 遠 赴 英 國 大 學 ， 讀 埋 傳 理 碩 士 課 程 ， 張 沙 紙 係由 倫 敦 方 面 親 自 頒 發 ， 唔 係 遙 距 函 授 ， 上 網 查 大 學 地 址 ， 發 覺 係 一 個 信 箱 號 碼 一 隻 ， 書 卷 氣 經 由 英 國 QC 驗 證 ， 發 出 沙 紙 許 可 呢 一 層 ， 又 點 係 自 稱 北 大 清 華 畢 業 北 姑 所 能 夠 匹 敵 ！

講 到 教 育 投 資 ， 就 不 得 不 讚 一 句 徐 爹 淇 媽 呢 對 老 人 家 。 佢 投 資 眼 光 長 遠 ， 自 細 低 價 大 手 入 貨 ， 將 5 歲 淇 淇 ， 去 澳 洲 移 民 。

先 令 個 囡 囡 以 澳 洲 口 音 英 文 為 母 語 ， 跟 住 翻 兜 ， 送 入 國 際 學 校 ， 加 強 鬼 聲 鬼 氣 國 際 化 訓 練 。 澳 洲 黃 金 海 岸 ， 就 係 淇 淇 故 鄉 ， 咁 地 名 ， 就 梗 係 高 貴 過 哈 爾 濱 、 青 島 、 成 都 呀 咁 一 隻 ， 一 同 誠 哥 行 埋 ， 即 帶 挈 未 來 新 翁 炒 股 勁 Lam 500 億 ， 鐵 一 般 的 事 實 俱 在 ， 旺 夫 旺 財 ， 唔 靠 西 藏 寧 波 車 穿 鑿 附 會 咁 強 項 ， 環 顧 全 港 又 有 幾 多 個 女 仔 會 擁 有 ？

呢 個 神 話 故 事 教 訓 油 尖 旺 少 女 ， 一 味 識 fing 頭 啪 丸 、 SM 狂 歡 ， 只 係 會 導 致 性 病 交 叉 感 染 ， 一 覺 醒 來 ， 枕 邊 條 仔 ， 永 遠 只 係 月 入 8 千 洗 頭 仔 ， 不 如 趁 住 青 春 ， 讀 多 個 學 位 ， 去 英 國 增 值 ， 打 造 黃 金 履 歷 ， 上 位 靠 食 力 ， 誠 哥 俾 人 埋 位 ， 不 過 將 來 生 個 孫 仔 ， 20 年 後 ， 仲 有 新 quota 。

愛斯基摩人

全 世 界 哪 一 個 地 方 都 想 去 旅 行 ， 唯 獨 北 極 例 外 。

北 極 的 愛 斯 基 摩 的 男 人 ， 跟 中 國 人 一 樣 ， 也 死 愛 面 子 ， 不 過 他 們 的 面 子 卻 是 以 另 一 種 人 際 交 往 的 行 為 來 演 繹 。

到 北 極 旅 行 ， 去 愛 斯 基 摩 人 的 冰 屋 做 客 ， 愛 斯 基 摩 丈 夫 會 把 他 的 妻 子 借 給 到 訪 的 客 人 過 夜 ， 叫 他 一 夕 「 慢 用 」 ， 客 人 如 果 不 遵 守 此 一 習 俗 ， 這 位 愛 斯 基 摩 丈 夫 會 覺 得 自 尊 心 受 了 嚴 重 傷 害 ， 他 沒 有 面 子 。

中 國 男 人 覺 得 戴 了 綠 帽 子 ， 是 不 共 戴 天 地 沒 有 面 子 ， 愛 斯 基 摩 人 認 為 ， 在 冰 屋 你 不 給 他 戴 綠 帽 子 ， 他 沒 有 面 子 。 在 北 冰 洋 和 海 南 島 之 間 這 一 片 地 帶 ， 維 持 面 子 ， 怎 樣 才 可 以 達 致 一 個 平 衡 ？

然 而 愛 斯 基 摩 的 女 人 很 醜 ， 她 們 是 蒙 古 加 印 第 安 ， 可 能 還 加 一 點 波 利 西 尼 亞 的 血 統 ， 扁 鼻 子 、 小 眼 睛 ， 在 北 冰 洋 ， 長 期 餐 風 飽 露 ， 從 來 不 用 化 妝 品 ， 一 張 臉 孔 的 皺 紋 像 用 亂 刀 斧 鑿 、 剁 了 三 十 年 免 治 牛 肉 的 一 塊 舊 砧 板 ， 愛 斯 基 摩 男 人 把 他 的 老 妻 讓 給 閣 下 享 用 ， 是 一 樁 要 命 的 苦 差 。

在 冰 屋 作 客 ， 呷 一 口 熱 茶 ， 對 方 向 他 的 妻 子 指 一 指 ， 很 嚴 肅 地 凝 視 你 ， 等 待 閣 下 的 答 覆 。 這 時 ， 你 趁 低 頭 慢 慢 喝 茶 ， 企 圖 Buy Time ， 心 念 電 轉 ， 思 索 一 百 個 理 由 如 何 推 卻 。 暗 中 瞟 一 瞟 女 主 人 ： 她 結 兩 條 辮 子 ， 皮 膚 黝 黑 ， 一 張 臉 孔 雖 純 樸 自 然 ， 但 粗 獷 天 工 ， 男 女 不 辨 ─ ─ 我 的 媽 呀 ， 你 心 中 暗 叫 一 聲 ─ ─ 如 此 習 俗 ， 上 天 為 什 麼 不 安 排 在 盛 產 美 女 的 社 會 如 哈 爾 濱 、 青 島 、 蘇 州 ， 而 偏 偏 是 北 極 的 愛 斯 基 摩 人 ？

主 人 家 看 見 你 在 猶 豫 ， 再 向 他 老 婆 指 一 指 ， 微 笑 ， 然 後 指 指 屋 搭 得 一 片 暖 和 的 雙 人 鋪 。 身 為 客 人 的 你 ， 恨 不 得 把 頭 深 深 地 埋 在 杯 子 。 世 事 豈 能 盡 如 我 意 ， 但 求 抉 擇 無 愧 於 心 。 看 見 屋 牆 邊 一 排 明 晃 晃 的 尖 利 的 魚 叉 ， 你 知 道 ， 如 果 閣 下 斷 然 拒 絕 ， 毀 了 他 的 面 子 ， 愛 斯 基 摩 人 惱 羞 成 怒 ， 閣 下 可 能 沒 法 子 活 走 出 這 座 冰 屋 。

怎 麼 辦 呢 ？ 他 夫 婦 倆 沉 默 不 語 ， 在 等 待 你 的 答 覆 。 人 生 中 時 時 會 遇 到 這 一 類 痛 苦 的 時 刻 ， 不 是 「 好 漢 不 吃 眼 前 虧 」 之 簡 單 ， 你 低 頭 呷 茶 ， 不 動 聲 色 ， 手 中 這 杯 茶 ， 好 似 王 母 娘 娘 壽 宴 賞 賜 的 那 杯 銀 菊 花 ， 他 媽 的 ， 呷 得 天 長 地 久 ， 地 久 而 天 長 … …

誠哥淇淇大婚用神術

陶 傑 清 涼 茶

誠 哥 終 於 同 城 中 名 模 大 美 人 淇 淇 大 婚 ， 簡 直 是 沖 天 大 喜 訊 。

梗 係 啦 ！ 因 為 環 顧 全 香 港 ， 淨 係 誠 哥 一 個 生 得 貌 似 威 廉 王 子 ， 又 唔 叫 雞 、 又 唔 見 個 個 禮 拜 六 見 佢 跑 馬 地 拉 頭 馬 ， 又 冇 食 大 麻 同 打 麻 雀 等 惡 習 。 誠 哥 佢 生 得 五 官 端 正 ， 相 貌 堂 堂 ， 一 都 唔 cheap ， 簡 直 係 全 港 演 藝 界 等 待 照 顧 一 眾 飢 渴 美 女 夢 中 第 一 大 情 聖 。

誠 淇 戀 終 於 成 功 ， 一 半 除 佢 努 力 之 外 ， 另 一 半 恐 怕 都 要 歸 功 於 狗 仔 隊 傳 媒 。 若 然 冇 狗 仔 隊 廿 四 小 時 貼 身 跟 蹤 ， 影 埋 人 影 模 糊 、 望 落 唔 知 係 邊 個 圖 片 ， 向 誠 哥 陣 營 逐 步 構 成 心 理 壓 力 ， 搞 到 誠 哥 不 認 不 認 還 須 認 ， 最 終 大 團 圓 結 局 ， 可 以 講 係 「 狗 仔 式 婚 姻 」 重 大 勝 利 。

另 一 方 面 ， 淇 淇 個 樣 旺 夫 旺 業 ， 並 由 玄 學 界 權 威 人 士 挺 撐 論 證 ， 卒 之 搞 到 雖 然 讀 番 書 ， 但 係 對 中 國 傳 統 文 化 亦 相 當 敬 重 誠 哥 終 於 舉 頭 三 尺 ， 順 服 天 意 ， 從 此 開 枝 散 葉 ， 澤 遠 流 長 ， 呢 招 叫 「 用 神 術 」 。

皆 因 為 有 錢 佬 ， 對 於 娶 新 抱 ， 不 求 美 貌 三 圍 ， 最 緊 要 時 辰 八 字 夾 正 ， 下 半 生 有 得 發 圍 。 好 似 荷 里活 國 際 巨 星 章 子 怡 咁 ， 飛 擒 霍 家 山 山 ， 姿 勢 出 位 ， 雖 然 美 貌 與 身 材 並 重 ， 但 唔 知 係咪 荷 里 活 惹 到 多 少 鬼 氣 ， 擒 過 山 山 之 後 冇 幾 耐 ， 咁 山 山 家 族 出 現 白 事 。

今 次 終 於 唔 同 。 誠 哥 係 香 港 地 產 第 二 代 富 豪 ， 繫 本 港 樓 市 天 下 之 安 危 ， 誠 哥 若 然 紅 光 滿 面 ， 春 風得 意 ， 樓 市 就 會 標 高 兩 個 價 位 ， 若 然 有 乜 頭 暈 氣 咳 ， 香 港 就 會 有 好 多 業 主 要 焗 做 樓蟹 。 因 此 玄 學 大 師 運 送 內 功 ， 批 淇 淇 會 大 旺 誠 哥 李 家 ， 咁 即 是 香 港 房 地 產 繼 續 有 運行 ， 誠 哥 大 婚 之 日 ， 就 是 全 港 買 樓 人 士 瘋 狂 入 貨 之 時 ， 萬 一 婚 後 淇 淇 見 肚 ， 仲 爆 出對 龍 鳳 胎 ， 咁 仲 加 不 得 了 。 所 以 全 港 新 婚 夫 婦 住 一 百 幾 十 萬 落 訂 cash ， 呢 個 時 候 唔 知 買 樓 好 唔 好 ， 見 到 誠 哥 毅 然 挺 入 新 房 ， 就 乜 都 唔 使 怕 ， 聲 第 一 時 間 入 貨 入 到 盡 啦 ！

EY 新人類

 

長 途 航 機 的 經 濟 艙 ， 無 論 是 由 香 港 往 紐 約 、 從 北 京 去 雪 梨 ， 或 上 海 去 洛 杉 磯 ， 日 漸 成 為 一 個 世 界 大 同 版 的 天 國 難 民 營 。

為 什 麼 是 世 界 大 同 ？ 因 為 經 濟 艙 ─ ─ 也 就 是 俗 稱 的 EY Class ─ ─ 真 正 實 現 了 眾 生 平 等 。 當 一 個 香 港 旅 行 團 的 元 朗 阿 婆 ， 鑲 了 四 顆 金 牙 ， 戴 一 隻 深 綠 的 玉 鐲 ， 坐 在 一 個 六 呎 二 吋 的 澳 洲 大 漢 旁 邊 ， 而 當 這 個 澳 洲 佬 要 去 洗 手 間 的 時 候 ， 竟 禮 貌 地 向 該 貌 似 馬 笑 英 、 口 啣 一 根 牙 籤 打 飽 嗝 的 老 婦 低 聲 說 Excuse me, ma’am 的 時 候 ， 當 你 意 識 到 那 個 ma’am 字 即 是 Madam 的 簡 稱 ， 會 覺 得 很 趣 致 。

在 EY 機 艙 ， 當 一 個 穿 黑 西 裝 的 四 川 男 人 可 以 坐 在 一 個 來 自 蘇 黎 世 的 瑞 士 婦 女 身 邊 ， 脫 掉 鞋 子 ， 一 人 併 佔 了 兩 座 位 ， 挨 在 窗 邊 剪 指 甲 ， 而 那 個 鬼 婆 一 臉 敢 怒 而 不 敢 言 的 尷 尬 ， 生 怕 一 找 空 姐 投 訴 ， 自 己 就 變 成 了 一 個 種 族 主 義 者 ， 於 是 只 有 啞 忍 這 種 「 東 西 方 文 化 差 異 」 ， 而 讓 該 中 國 大 漢 的 指 甲 必 必 剝 剝 地 飛 濺 到 她 的 臉 際 和 肩 上 的 時 候 ， 身 為 旁 觀 者 ， 你 就 會 打 心 底 歌 頌 發 明 飛 機 經 濟 艙 的 那 位 天 才 。

因 為 EY Class ， 特 別 在 中 國 走 向 世 界 的 這 個 令 人 興 奮 的 時 代 ， 實 現 了 在 人 間 難 得 一 見 的 種 族 共 融 的 奇 景 。 例 如 那 位 貌 似 辛 康 納 利 的 澳 洲 漢 ， 如 果 在 香 港 ， 他 只 會 在 中 環 的 香 港 會 所 喝 紅 酒 吃 牛 排 ， 而 不 會 跟 一 位 充 滿 榮 華 餅 家 Feel 的 元 朗 阿 婆 共 同 生 活 十 多 個 小 時 的 。 而 那 位 瑞 士 婦 女 ， 也 只 會 在 花 園 道 的 梅 夫 人 堂 靜 靜 地 翻 看 《 南 華 早 報 》 ， 只 有 飛 機 的 經 濟 艙 位 ， 把 她 自 己 和 她 身 邊 的 那 個 四 川 男 人 ， 和 他 無 定 向 飛 彈 般 的 指 甲 ─ ─ 以 及 剪 畢 手 指 甲 後 張 大 嘴 巴 打 一 個 大 噴 嚏 而 迸 散 的 唾 液 星 花 ─ ─ 緊 緊 地 鎖 定 在 一 個 狹 小 的 空 間 ， 無 可 逃 避 ， 坦 誠 相 對 ， 這 不 是 柏 拉 圖 和 孫 中 山 夢 想 的 大 同 理 想 國 又 是 什 麼 ？

搭 EY Class ， 既 是 自 由 意 志 的 行 使 ─ ─ 因 為 閣 下 本 來 是 可 以 改 搭 頭 等 的 ─ ─ 也 是 一 種 宿 命 ， 因 為 地 勤 人 員 運 用 權 力 ， 硬 把 阿 婆 和 澳 洲 漢 、 四 川 佬 和 瑞 士 女 人 劃 在 一 起 ， 這 是 東 西 方 、 南 北 半 球 、 富 裕 國 家 和 第 三 世 界 平 起 平 坐 對 話 的 時 刻 ， 眼 看 澳 洲 佬 俯 首 低 聲 的 禮 貌 ， 以 及 瑞 士 女 人 正 襟 危 坐 的 沉 默 ， 不 由 得 令 人 想 起 三 十 年 代 上 海 外 灘 的 洋 人 向 人 力 車 伕 的 屁 股 上 大 力 猛 踢 的 那 種 傳 說 ， 而 令 人 深 深 地 感 受 到 ， 經 濟 機 艙 之 所 以 實 現 了 世 界 大 同 ， 無 論 只 有 十 幾 小 時 之 短 暫 ， 自 然 是 因 為 中 國 的 綜 合 國 力 有 所 提 高 的 原 故 。

飛 機 陸 時 遍 地 的 毛 毯 、 報 紙 、 膠 袋 、 紙 巾 團 ， 像 海 嘯 後 的 災 場 ， 令 人 欣 慰 的 是 ， 遺 下 這 一 切 的 也 有 鬼 佬 鬼 婆 乘 客 的 一 份 ， 連 他 們 也 顧 不 上 所 謂 儀 態 了 ， 在 十 多 個 小 時 的 擠 壓 之 後 。

EY 是 一 個 Class ， 今 天 ， 不 分 種 族 膚 色 ， 在 三 萬 呎 上 空 ， 不 再 是 空 中 樓 閣 ， 這 種 後 現 代 的 新 感 覺 ， 十 分 迷 人 。